Eyjafréttir.is - 03. feb.2012 kl. 08:00 - Úrkoma í janúar aldrei mælst meiri frá upphafi mælinga

Föstudagur 03. feb 2012 kl. 08:00

Stórhöfði:

Úrkoma í janúar aldrei mælst meiri frá upphafi mælinga

Úrkoma á Stórhöfða í Vestmannaeyjum mældist 314,4 mm. í janúar.  Þar hefur verið mælt samfellt frá 1921 og hefur aldrei mælst meiri úrkoma í janúar en nú. Áður var mælt í kaupstaðnum frá 1881 og þar mældist heldur aldrei meiri úrkoma í janúar en nú. Endanlegt uppgjör liggur ekki fyrir á fleiri veðurstöðvum en svo virðist sem ekki hafi heldur mælst meiri úrkoma Í Vík í Mýrdal í janúar í ár síðan 1950.

 Á Grímsstöðum á Fjöllum hefur aldrei mælst meiri úrkoma í janúar heldur en nú – ekki þó staðfest. Fáeinar aðrar stöðvar eru nærri fyrri metúrkomu eða rétt yfir henni, af þeim sem lengi hafa athugað má í þeim flokki nefna Hraun á Skaga og Írafoss, en Eyrarbakka vantar lítið upp á met.
 

Skrifað af Pálma Frey Óskarssyni

 

 http://www.vedur.is/um-vi/frettir/nr/2434

http://www.eyjafrettir.is/frettir/urkoma_i_januar_aldrei_maelst_meiri_fra_upphafi_maelinga/2012-02-03